Барлық журналдардың редакция алқалары өз жұмысында Ғылыми жарияланымдардың этикасы жөніндегі комитетпен (Committee on Publication Ethics (COPE)) жасалынған ғылыми жарияланымдардың этикасы бойынша халықаралық стандарттарды ұстанады, сонымен қатар беделді халықаралық журналдардың бағалы тәжірибесін ескереді. Ғылыми жарияланымдардың сапасын арттыру, жарияланымдық қызметінде алақол тәжірибеден алшақ болу (күмәнді мәліметтерді пайдалану, деректерді ойдан шығару, плагиат және т.б.), ғылыми жетістіктерді қоғаммен мойындату мақсатында журналдардың редакция алқалары, сонымен қатар баспа жұмысына қатысатын тұлғалар халықаралық қоғамдастықпен қабылданған этика ережелері мен стандарттарын сақтауы тиіс және осындай әрекеттердің алдын алу үшін барлық орынды іс-шараларды пайдалануы қажет. Редакция алқалары еш уақытта заңнан тыс әрекеттерді (плагиат, манипуляция, бұрмалау)  қолдамайтын болады және барлық күшін салып, осындай әрекеттердің алдын алуға тырысады. Егер редакция алқалары журналдарда жарияланған мақалаға қатысты заңнан тыс әрекеттер туралы хабардар болатын болса, редакция алқасы СОРЕ (немесе оның баламасының) ұсыныстарын пайдаланады.

1992 жылдан бері әл-Фараби атындағы Қазақ ұлттық университеті ғылыми журналдарды шығарады. Әр журнал жеке басылым ретінде халықаралық ISSN мен жазылу индекстеріне ие. Журналдар  ғылыми жұмыстың нәтижелерін жариялау үшін білім мен ғылым саласындағы бақылау комитеті ұсынатын ғылыми басылымдардың тізіміне қосылған. Журналдарда жаратылыстану, техникалық және гуманитарлық ғылымдардың салалары бойынша іргелі, қолданбалы, іздеу зерттемелерінің өзекті мәселелері бойынша нәтижелер жарияланады.  Материалдар мемлекеттік, орыс, ағылшын тілдерінде жарияланады. Бүгінгі күнде барлық журналдардың редакциялық алқасы ғылым салалары бойынша әлем ғалымдарын қоса отырып, өз құрамын едәуір кеңейтті. Сонымен қатар, журналға берілетін мақалаларға тағайындалатын рецензенттердің құрамы да кеңейтілді. Ревьюверлердің (reviewers) құрамына ғылымның түрлі салалары бойынша танымал ғалымдар қосылды.

Рецензиялау түрі – төрт деңгейлі: бас редактормен; ашық; ағылшын тілінде толық есепті ұсынатын автормен (авторлармен) үлестес емес шетел ғалымымен біржақты соқыр (жасырын) рецензиялау; ағылшын тілінде толық есепті ұсынатын автормен (авторлармен) және әл-Фараби атындағы ҚазҰУ-мен үлестес емес ғалымдармен біржақты соқыр (жасырын) рецензиялау. Егер  мақаланы жариялау не жарияламау туралы рецензенттердің (шетел және қазақстандық) пікірлері сәйкес келмейтін болса, онда соңғы шешімді ғылыми редактор қабылдайды.

ЕРКІН КІРУ САЯСАТЫ Әр журнал өзінің контентіне еркін кіруге мүмкіндік береді де, қоғамның зерттемелерге еркін қол жеткізуді қамтамасыз ете отырып, ғаламдық біліммен еркін алмасуға септігін тигізеді.