Барлық журналдардың редакция алқалары өз жұмысында Ғылыми жарияланымдардың этикасы жөніндегі комитетпен (Committee on Publication Ethics (COPE)) жасалынған ғылыми жарияланымдардың этикасы бойынша халықаралық стандарттарды ұстанады, сонымен қатар беделді халықаралық журналдардың бағалы тәжірибесін ескереді. Ғылыми жарияланымдардың сапасын арттыру, жарияланымдық қызметінде алақол тәжірибеден алшақ болу (күмәнді мәліметтерді пайдалану, деректерді ойдан шығару, плагиат және т.б.), ғылыми жетістіктерді қоғаммен мойындату мақсатында журналдардың редакция алқалары, сонымен қатар баспа жұмысына қатысатын тұлғалар халықаралық қоғамдастықпен қабылданған этика ережелері мен стандарттарын сақтауы тиіс және осындай әрекеттердің алдын алу үшін барлық орынды іс-шараларды пайдалануы қажет. Редакция алқалары еш уақытта заңнан тыс әрекеттерді (плагиат, манипуляция, бұрмалау)  қолдамайтын болады және барлық күшін салып, осындай әрекеттердің алдын алуға тырысады. Егер редакция алқалары журналдарда жарияланған мақалаға қатысты заңнан тыс әрекеттер туралы хабардар болатын болса, редакция алқасы СОРЕ (немесе оның баламасының) ұсыныстарын пайдаланады.

Әл-Фараби атындағы ҚазҰУ-да 25 ғылыми журнал бар, оның ішінде 6 халықаралық ағылшын тілді журналдар, 17 ҚазҰУ хабаршылары, «Ашық жүйелер эволюциясы мәселелері» журналы және КазҰУ-дың серіктестігімен шығарылатын «Новые исследования Тувы» журналы. Қазіргі таңда ҚазҰУ-дың 4 ғылыми журналы, атап айтқанда «International Journal of Mathematics and Physics», «Physical Sciences and Technology», «ҚазҰУ Хабаршысы. Математика, механика, информатика сериясы» және "Новые исследования Тувы" Scopus деректер базасында индекстеледі. 6 ғылыми журнал Web of Science деректер базасында индекстеледі. Бұл журналдар: «International Journal of Biology and Chemistry», «International Journal of Mathematics and Physics», «ҚазҰУ Хабаршысы. Химия сериясы», «ҚазҰУ Хабаршысы. Физика сериясы», «ҚазҰУ Хабаршысы. Математика, механика, информатика сериясы» және «Новые исследования Тувы. ҚР ҒЖБМ Ғылым және жоғары білім сапасын қамтамасыз ету комитетінің ғылыми еңбектің негізгі нәтижелерін жариялау үшін ұсынылған 21 журналының тізіміне барлық 17 хабаршы және «International Journal of Biology and Chemistry», «International Journal of Mathematics and Physics», «Physical Sciences and Technology» және «Ашық жүйелер эволюциясы мәселелері» журналы кіреді.

Рецензиялау барысы төрт кезеңнен тұрады: бас редактордың бағалауы; (ашық) рецензиялау; автор(лар)мен байланысы жоқ шетелдік ғалым жүргізетін біржақты жабық (анонимді) рецензиялау, сонымен қатар ағылшын тіліндегі толық есеп; және әл-Фараби атындағы Қазақ ұлттық университетімен немесе автор(лар)мен байланысы жоқ ғалымдардың біржақты жабық (анонимді) рецензиялауы, сонымен қатар ағылшын тілінде толық есепті қамтиды. Егер жарияланым бойынша рецензенттердің (шетелдік және қазақстандық) пікірлері бір-біріне қайшы келіп қалған жағдайда, соңғы шешімді бас редактор қабылдайды.

АШЫҚ ҚОЛЖЕТІМДІЛІК САЯСАТЫ Әр журнал өз мазмұнына ашық қолжетімділікті қамтамасыз етеді, бұл қоғамдық зерттеулерге еркін қолжетімділіктің жаһандық білім алмасуды кеңейтуге ықпал ететін принципіне негізделген.